市場徐想：帝盛酒店 策略成功

雖然來港個人遊增長明顯放緩，不過Prof. J依然睇好經濟型嘅個人遊配套，事關依家嘅個人遊人士醒咗，去旅行要物超所值嘛！唔使吓吓住五星酒店嘅。走中檔精品路線嘅帝盛酒店（02266）就可受惠於呢類經濟型嘅旅客消費力。

以香港為大本營的帝盛酒店集團，就以藍海營商手法進佔酒店市場。集團公布截至去年十二月底止第三季營運資料，平均房租按年增長1.63%至874元，入住率按年則下降兩個百分點至83%，整體平均每間客房收入728元，同上個財政年度同期大致持平，未有明顯受個人遊增長放緩拖累。

Prof. J十分欣賞帝盛嘅擴展策略：活化工廈成新酒店，減低每間酒店房間的投資成本，提高回報率。集團財務副總裁文德章表示，以活化工廈為例，未計改建費成本約每間房50萬元，呎價一千多元，相比市場上過萬元呎價，成本極低，而且改建工廈需時甚短，亦減低咗時間成本。

Prof. J自上年年尾開始留意佢到依家，雖然股價已經升咗兩成，但集團估值仍然吸引，派息又唔錯。繼續追蹤，出發！