魚缸Blogger：勝利管道 概念吸引

上周五隻勝利管道（01080）喺成交急增下，一度挾到去0.9元，埋單仍升3.5%，收報0.87元，成功突破頸線阻力0.85元，睇勢話唔定可以踢上去年五月高位0.95元，博見1蚊關。

勝利管道喺上月底發盈喜，預期去年下半年主營業務業績將比上半年有所改善，原因係多項非主營業務收益增加（螺旋埋弧（SSAW）焊管業務的訂單上升），尤其是公司對山東省淄博市發展作出貢獻，而得到一項金額較大的非經常性政府補貼（7,100萬元人仔），將對全年業績產生正面影響。

公司係中石化集團同中石油集團嘅主要供貨商，加上內地持續擴充長距離油氣輸送管道及跨境管道的建設，如西氣東輸三、四線等，對管道的需求有增無減，想炒天然氣概念的話，可以諗諗佢。

勝利管道（01080）

阻力位：1.00元

支持位：0.83元