李蘊要儲錢買樓
1. 你認為自己現時財富屬於哪一級？（分五等級：優、良、常、可、劣）
答：常和可之間啦，唔算好窮，又唔係有錢。
2. 你試過最貧窮是何時？當時情況怎樣？
答：在三人組合Cream時，我係童工，做嘢唔會有錢收，有時出席活動，要媽咪補貼車錢，真係車費都蝕埋。
3. 你試過最富有是何時？當時情況是怎樣？
答：將來，我唔使大富大貴，只要無經濟壓力已好滿足。
4. 每月的收入中，儲蓄、投資及消費分別佔多少？
答：我好少消費，只會買嘢食，好少買衫。
5. 金錢對你的重要程度屬於哪一級？（分五級：極重要、很重要、重要、不重要、絕不重要）
答：重要，食飯都要錢o架！。
6. 你每月開支平均大約多少？
答：每個月過萬蚊，收入好波動。
7. 你現時身上帶有多少現金？
答：千幾蚊。
8. 你何時開始儲蓄？
答：十六、七歲，做人要積穀防饑。
9. 你擁有多少個銀行戶口？
答：1個。
10. 你幾多歲賺到首個一百萬？
答：未喎，我諗25歲前可以。
11. 你現時有否借貸？（包括信用卡、樓宇按揭及私人貸款）
答：無，我唔會先使未來錢。
12. 你現時共擁有多少張信用卡？
答：無。
13. 你現時擁有多少個物業？
答：暫時無，現在和父母一齊住。
14. 目標幾歲買樓？
答：27歲，現在啲樓咁貴，無百幾萬做首期點買。
15. 你有冇投資股票或基金？
答：無，我唔識，唔會亂嚟。
16. 港股在每日何時開市？
答：早上九點半啩。（編：對！）
17. 現時最看好哪一個國家的貨幣？
答：梗係人民幣！
18. 你有否購買保險？若有，共擁有多少份保險？
答：有兩份，家人和公司幫我買。
19. 你認為自己有沒有商業頭腦？
答：我諗有，近年都有諗過做生意。
20. 你可曾創業？若有，結果是怎樣？
答：無，但唔會開咖啡店和賣衫，競爭太大。
21. 可以分享一條絕世發達的妙計嗎？
答：努力工作。
個人資料
姓名：李蘊
年齡：21歲
職業：模特兒、歌手
李蘊