市場徐想：TCL多媒體 值得睇好

內地「家電下鄉」政策啱啱喺一月份結束，依家由新一輪嘅節能補貼政策補上，Prof. J覺得呢次政策改變對電視生產商嚟講可謂影響有限，尤其係對依家有差唔多有260款電視符合節能標準嘅TCL多媒體（01070）。過去兩年，集團嘅高端LED電視銷售增長分別達46%及82%。隨着內地嘅高清廣播普及率上升，加上3D及大力催谷嘅雲電視，如無意外會成為集團嘅新主打產品。

Prof. J睇內地家電行業今年會出現周期性復甦，家電相關股份普遍都會做好，而其中TCL多媒體業務係「雙龍出海」：出口、內銷並行，能夠分散市場風險。最近市場上有唔少分析員都調高集團今年毛利率同銷售預測，股價亦見突破，建議可以中線逢回吐收集。繼續追蹤，出發！