魚缸Blogger：美聯工商舖 值得睇好

政府喺去年第四季推出兩大「辣招」，包括額外印花稅及買家印花稅，以遏抑炒樓活動，令唔少資金轉戰工商舖市場。

隨住工商舖買賣增加，加上舖租狂升，集中做非住宅物業嘅美聯工商舖（00459） 自然好景。上周五呢隻股突然爆上，喺成交激增下，即市一度挾到去0.082元，創咗五十二周新高，埋單仍升12.5%，收報0.081元，後市應該仲有睇頭，小注博佢踢上1毫子。

綜合代理數據，上月工廈、商廈及店舖摸貨比去年同期飆逾26倍，而商用物業亦出現拆售潮；另亦有一項調查指香港舖租全球最貴，去年第四季本港一線街舖每月呎租約2,800元，比第二貴租的美國紐約高45%。為咗配合市場發展，美聯工商舖持續穩步擴充，進一步爭取市場佔有率，旗下「美聯工商舖」同「香港置業工商舖」兩大品牌嘅協同效應，值得睇好。

美聯工商舖（00459）

阻力位：0.100元

支持位：0.072元