魚缸Blogger：信利 技術走勢強勁

上月底推介過嘅信利國際（00732），尋日即市再創2.7元的五十二周新高，收報2.66元，逆市升2.7%，大跌市下都仲有得升，睇勢就快見到當時定的阻力位2.8元，今轉如果成功突破，阻力上移至2.9元。

主要從事製造及銷售液晶顯示器、電子消費產品業務嘅信利，啱啱公布一月營業額12.3億元，比去年同期的6.12億元激增一倍。在智能手機市場日漸成熟下，尤其是喺內地、南韓等地區，佢嘅液晶顯示器產品（包括觸控屏）訂單長做長有，實力可見一斑。雖然內地工資持續上升，不過公司的大規模生產，同埋加快自動化進程有助降低成本，所以毛利率受壓問題應該會有改善。

睇番幅圖，股價自去年十月起沿住10日線起錨，由1.2元左右，升到依家兩個幾，技術走勢強勁，14日RSI處於78水平，亦都未算太過超買，後市可以(目及)實。

信利國際（00732）

阻力位：2.90元

支持位：2.49元