做生意最緊要有得守

「我哋唔會幫人喺中環SOHO區搞生意，主力做中低檔，好似賣8蚊串串燒、3蚊件壽司，生意最緊要能守！」盛滙商機行政總裁李根興最近對文妮說，經濟一旦逆轉，地價、樓價跌，市民無錢都要食。

○九年本地失業率升至5.4%，該公司促成173宗生意買賣，平均每宗金額40萬元，但失業率去年跌至3.3%，僅得40宗買賣，平均每宗涉資79萬元，「經濟唔好，好多人被裁後創業，本金細，煎釀三寶檔好快賣出！」

近年少咗人創業，盛滙去年開始幫人買舖兼創業，促成24宗個案，平均每宗涉206萬元。風險高低見仁見智。