魚缸Blogger：世紀陽光 動力未減

去年十一月中叫過大家(目及)實世紀陽光（00509），皆因當日股價急跌近一成半，收報0.4元，認為可以博反彈。之後幾個月股價好似放紙鳶咁，沿住10日線，升到依家7毫子樓上，睇見幅圖難免有啲令人畏高，不過有見尋日即市再創0.76元的五十二周新高，收0.73元，逆市急升12.3%，動力未減，不妨定好注蝕小注炒多轉。

從農業肥料業務逐漸轉型產銷金屬鎂產品嘅世紀陽光，目標是新業務收入佔比由少於30%，提升至一四年的50%。睇番成績表，公司去年首三季賺7,238萬元人仔，反而母公司陽光紙業（02002）中期賺得嗰1,668萬元人仔。為咗滿足鎂合金新材料市場快速增長的需求，世紀陽光啱啱公布以3,209萬元收購中國鎂業21.8%權益，透過旗下公司喺吉林省白山市擁有的白雲石礦產資源，同埋高性能稀土鎂合金生產工藝及製備方法技術專利，開發成本低兼性能好嘅鎂合金產品，市場潛力值得憧憬。

世紀陽光（00509）

阻力位：0.88元

支持位：0.65元