魚缸Blogger：旭輝 仍有上升空間

上月暴炒妹推介過嘅旭輝控股（00884），尋日在花旗出報告叫買刺激下，以全日高位兼上市新高1.8元收市，升逾一成，眨吓眼已經突破當時所定的阻力位1.6元，因上市日子唔耐，股價又屢次破頂，所以無蟹貨隱憂，上升空間大，短線如果仲守得住10日線1.58元，可博升穿兩蚊關，見2.1元。

市場定位較佳

專注開發中高端精品住宅物業嘅旭輝，項目覆蓋內地一、二線城市，去年實現合約銷售金額95.4億元人仔，按年增長七成半，公司以後又多咗彈藥傍身買地。旗下子公司啱啱同綠地集團，以約1.8億元人仔奪得上海閔行區地皮。正如花旗話，呢隻股市場定位佳兼業務擴展得宜，模式同萬科相似，採用快速銷售策略，加上估值吸引，可以關注吓。

旭輝控股（00884）

阻力位：2.10元

支持位：1.58元