魚缸Blogger：新海能源 上望5元

上月話過高追要量力而為嘅新海能源（00342），啱啱公布奪得港府供應合約，尋日股價第三度突破當時定的阻力位4.6元，如果短線仲係企得穩，後市話唔定會見5蚊。

新海能源主要從事液化石油氣進口同批發，業務已擴展至內地、澳門及香港等市場，未來將重點發展成品油業務。其中香港嘅海上加油業務，已於去年五月展開，現時積極開拓香港瓶裝液化氣銷售，今年料將開拓新界市場。因公司同蜆殼合作獲得政府兩年合約，佢旗下油麻地嘅海上供油站，將於本月中起向政府船舶，提供不少於1,500萬公升超低硫柴油同配套服務，尋日股價再度上試五十二周高位4.67元，埋單仍升3.5%，麥格理畀佢目標價6.2元，去唔去到咁高無人知，總之都係量力而為！

新海能源（00342）

阻力位：5.0元

支持位：4.3元