市場徐想：A股ETF 具成本效益

隨着A股表現回勇，香港上市嘅A股交易所買賣基金（ETF）也一樣表現省鏡，Prof. J對舊年發行上市嘅易方達中一百（03100/83100）特別有印象。

作為一隻以人民幣計價嘅實物A股ETF，佢嘅ETF先透過「人民幣合格境外機構投資者」（RQFII）將境外嘅人民幣於內地直接買A股，然後再推出港元交易櫃枱，成為一隻「雙幣股」。好處係不論投資者揸住人民幣定係港元，佢都受你玩，令到隻ETF規模愈滾愈大。Prof. J另外亦比較鍾意佢追蹤緊嘅中證一百指數，因為係由滬深三百指數中規模最大嘅100隻股票組成。市場上有啲追蹤300、亦有追蹤50，數目較少會比較集中喺某啲行業，譬如金融，而數目多啲就可將資金分散喺唔同行業上，而100隻唔太少又唔太多，符合中庸之道。