魚缸Blogger：宏華 可待回調收集

周一油田服務股攞晒尾彩，個別仲創埋五十二周新高，如宏華集團（00196）即市就曾經挾到去3.47元，埋單仍升18.4%，收報3.4元，技術上已進入超買區，不過無人敢話超買後唔可以再超買嘅，不妨吼位跟炒一轉。

睇番當日爆上原因，宏華除將以1.5億美元（約9.44億元人仔）賣11台陸地鑽機畀歐亞鑽井外，原來仲公布咗公司一三年嘅戰略目標。佢話截至去年十二月三十日止，手頭訂單包括陸地鑽機、海洋同油服板塊金額高達65億元人仔，喺陸地同海洋油氣裝備及油氣工程服務的需求持續增長下，今年銷售目標喺突破100億元人仔，而同時亦會全面提升非常規油氣的服務能力，因業務食正長期國策，所以後市點都仲有啲睇頭。

考慮到宏華周一升勢幾急，都可以等回調後收集，守住周一平均價3.2元可小注跟炒，阻力睇○八年上市價3.83元。

宏華集團（00196）

阻力位：3.83元

支持位：3.20元