上星期美股急跌，但無對周一港股構成大衝擊，A股順利再升溫巴仙，一眾大藍籌顯出有頑強抗跌力，恒指收市微跌9點，報22,656點，成交287億，對比番同樣半日市的平安夜222億，相信係多得基金年終粉飾櫥窗，加多兩錢肉緊所致。總結十二月恒指升626點，升勢係就係慢半拍，但考慮到期間美股走勢麻麻，加上假期因素令最近兩星期交投淡靜等因素，個市都算得上有交代。
