魚缸Blogger：新海 高追量力而為

主要從事液化石油氣進口同批發嘅新海能源（00342），股價由九月嘅1.7元左右，升到依家4蚊樓上，尋日仲逆市升2.6%，可以關注吓。

新海股價由九月中旬開始起步，歸根究柢都係因為佢出咗份省鏡嘅成績表，公司上半年毛利激增逾倍半至5.45億元，原因係瓶裝液化氣銷售明顯提升，一月完成收購聯新，帶嚟大量汽車加氣業務。其實新海的業務供應鏈已擴展至終端市場，成本控制比起同業有優勢，而未來將重點發展成品油業務，旗下珠海油庫料喺明年三月投入運作，在工業同汽車成品油需求持盛下，有望成新增長亮點。公司預期未來五年能源產品年銷量增至逾500萬噸，進一步搶佔能源市場佔有率，但股價係咪已經某程度預先透支升勢，見仁見智，高追宜量力而為。

新海能源（00342）

阻力位：4.6元

支持位：3.9元