魚缸Blogger：玖紙有望踢上7元

紙品行業低迷咗咁耐，都係時候作出大翻身，上周五玖龍紙業（02689）飆逾一成，以接近全日高位6.26元收市，睇番幅圖，股價自九月起沿住10日及20日線反彈，上周五成交急增，睇勢有望踢上7蚊！

上周玖紙公布，預期今年純利及毛利率均不會低於去年，仲話行業嘅最壞時刻已經過去，原因係市場需求復甦同整體庫存降低，公司亦要增加造紙機嚟提升產能，而且現時紙價處於上升周期，旗下產品每噸平均售價已經升咗100至150元人仔，同時德銀同摩通早前都發表報告唱好，話紙價已經見底，未來將會逐漸回升等。另一方面，隨住人民幣升值，亦對結匯需求大嘅紙品行業有利，加上玖紙現時估值唔高，仲有追落後嘅條件。

玖龍紙業（02689）

阻力位：7.00元

支持位：5.73元