魚缸Blogger：奧園升勢有餘未盡
魚缸尋日有隻「生面口」嘅內房股中國奧園（03883）殺入升幅榜，以全日高位1.17元收市，升幅9.3%，高開高收，睇嚟後市仲有得玩。
主要喺內地從事物業發展同投資嘅奧園，啱啱完成出售北京市「長安8號」商住項目，有約32.3億元現金回籠，以後又多咗彈藥傍身買地。其實公司一直都有積極吸納土儲，如十月以約7億元人民幣奪得株洲地皮、一月以約2.1億元人民幣拍得重慶商住地等。雖然內地的調控政策對樓市帶嚟唔少影響，不過奧園主力開發增長潛力大的地區，加上實行「商住雙線」策略，其上半年銷售同純利齊升，可見調控無礙增長步伐。股價短線若企穩10日線1.06元，博佢回補去年八月下跌裂口1.26至1.31元。
中國奧園（03883）
阻力位：1.31元
支持位：1.06元