魚缸Blogger：敏華控股盈喜支持
魚缸兩隻傢俬股尋日雙雙跑出，皇朝傢俬（01198）復牌後勁升逾一成，另一隻敏華控股（01999）就受盈喜帶動升近半成，既然有靚仔業績支持，不妨吼位跟炒一轉。
敏華主要從事高檔傢俬銷售，去年在美國及內地的市佔率分別排第四同第一位，樓市如果轉好一定有着數。公司預期截至九月底止六個月正常營運之綜合溢利將同比錄得顯著增長，主要係因為收入穩步增加及各類開支佔收入比下降。至於黃金周期間，公司嘅零售銷售額亦比去年同期多23%，品牌之一「芝華仕」固然歸功不少，亦可睇到貴價梳化需求受經濟放緩的衝擊並唔大。敏華股價自八月起沿住10日線4.7元向上，短線唔失守20日線4.4元嘅話，下一個較大嘅阻力位喺5.5元。
敏華控股（01999）
阻力位：5.5元
支持位：4.4元