魚缸Blogger：希慎興業實力之選
魚缸喺呢個傳統股災月前，守得住QE3帶嚟嘅上升裂口，都叫做有啲交代，但千祈唔好因為咁而有絲毫鬆懈，要認真度吓最後一季嘅部署，收租股希慎興業（00014）就有進可攻退可守嘅條件！
中環商業區租金出名貴，即使政府落力打造九龍灣做新CBD，但始終覺得有些少隔涉，企業要搵地方搬的話，喺銅鑼灣有唔少寫字樓嘅希慎相信可以受惠，尤其係佢旗下開幕冇耐嘅希慎廣場，寫字樓嘅出租率同租金應該仲有增長空間。
至於零售部分方面，雖然誠品唔再開通宵，但有傳希慎廣場已畀揀舖奄尖嘅蘋果公司睇中，叫座力不容睇小，加埋「十．一」黃金周帶旺，股價阻力先睇38元。
希慎興業（00014）
阻力位：38元
支持位：34元