市場徐想：國壽加快業務轉型
國壽（02628）為國有保險公司，但呢幾年股價表現麻麻，好在第二季業績開始見到改善。
期內國壽嘅保費收入放緩，公司話主要受宏觀經濟環境、銀行保險監管政策影響、以及銀行理財產品等嘅衝擊。但Prof. J就有所保留，睇番佢嘅報表，發現經銀行保險渠道銷售產品退保金額增加咗、保費收入降低，但經代理人銷售嘅個險渠道卻有增長，所以問題應出喺銀保身上。
當然，國壽梗知問題所在啦，所以見到佢都發展緊一啲短期產品同醫療保險新業務。除咗加強產品創新，國壽嘅業務重點由銀保轉移至個險渠道，Prof. J相信渠道嘅轉型發展會加快推進。繼續追蹤，出發！