投資SUN國度：不上不落做齊兩邊
跟開本欄的朋友，會知道近幾日自己偏向睇淡，原本以為期指結算日會是淡友總攻擊的吉時，現在早了一天，當然無任歡迎，但有一個固定立場，卻仍然要且戰且走，昨日下半場便做了兩手準備，掉頭買入少許末日Call，變成了買齊末日Call Put大包圍。
期指繼續險守20,500點，最重要是再次狂掃本地地產股，個別股份勢如破竹，怎會是大淡市氣氛？頗大機會是延續近期不上不落的局面。買今日到期的末日股票Call，有效槓桿比率幾十倍，只要股票上升一兩個百分點，注碼便可變倍。睇錯亦不外輸光注碼，何況一早持有的末日Put已作包抄。