魚缸Blogger：雷士上望2元關
港股尋日僅升3點收市，相當牛皮，喺後市仲未睇得通之下，都係老生常談嗰句，繼續炒股唔炒市。
資金搵落後板塊輪流炒嘅方向仲未改變，尋日就輪到照明股突然殺上。雖然對比起同業真明麗（01868），作為內地LED行業龍頭嘅雷士照明（02222）股價明顯失色得多。之不過，最近大股東吳長江已經強勢回朝，並且宣布鎖定九至十二月達12.5億人仔嘅銷售目標，相信公司業務已經重返正軌，加上LED產品係阿爺重點扶持行業，而且繼基建、消費後，唔難想像或者再有支持LED產品嘅政策推出。
再睇雷士尋日股價雖然抽穿近一個月橫行阻力，但PE都係得八倍，今趟阻力不妨先睇2蚊。
雷士照明（02222）
阻力位：2.0元
支持位：1.5元