魚缸Blogger：中金再生仍有水位
魚缸尋日繼續喺200幾點嘅波幅內上落，但如果睇番幅圖，似乎開始做緊小圓頂，而執筆時歐股早段以至道期都顯著回吐，所以今朝都係靜觀其變吧！
雖然近半個月多個板塊已經輪流抽升，但當中仍有唔少滄海遺珠，如果唔係尋日突然殺上50大升幅榜，恐怕暴炒男要花一段時間先會記起中金再生（00773）呢隻股票。
中金再生主要喺內地從事廢金屬回收、以至廢舊電器等業務，即使分屬行業龍頭，但喺金屬價格下跌拖累下，今年股價大部分時間都處捱打狀態。之不過，尋日水泥、機械等復甦概念股開始起動，加上瑞銀早前畀嘅15.2元目標價，離現價仲有成一倍水位，今轉只要守住6.7元，後市應該仲有睇頭。
中金再生（00773）
阻力位：7.7元
支持位：6.7元