市場徐想：華創啤酒業務出色
華潤創業（00291）旗下隻「雪花Snow」啤酒第二季發力，由虧轉盈，從第一季虧損3,300萬元轉至第二季獲利4.08億元，成為公司四大業務中表現最好一環，睇嚟啤酒業務將會成為公司明日之星。
而今年下半年大麥價格較低，相信將會係華創啤酒業務盈利增長動力同毛利率擴張嘅關鍵。再加上華創本身擁有自家超市零售網，在銷售渠道方面亦佔有優勢。睇牌面，華創有本錢同人fight過，不過，眾所周知打造品牌嘅市場策略一直都係「燒錢」嘅舉動，要畀啲時間去睇成效。暫時股價去番近期高位，值得留意能否大成交破頂，還是高位整固。繼續追蹤，出發！