經濟韓流勢不可當
有人說日本失落了廿年，韓國追趕了廿年，從經濟至文化方面，可以完全反映出「韓盛日衰」。韓國男歌手Psy一首《江南Style》，喺Youtube點擊率逾2.2億次，其獨創「馬舞」連美國比華利山嘅人都識跳，CNN等都要解釋江南係咩地方（首爾富裕地區），呢股韓流勢不可當。
三星和蘋果公司嘅世紀官司，令三星股價一度急挫，但三星今年至今股價升近23%，跑贏大市（KOSPI指數期內升約10%），又或者咁講，係靠佢支撐起韓股，因為三星佔KOSPI比重達17%。其實科技股估值唔貴，三星和蘋果公司市盈分別僅15和16倍。