魚缸Blogger：紫金進入無阻力區
日本尋日加碼放水，而恒指亦大有直撲兩萬一嘅氣勢，喺消息市當道之下，希望今日內地同歐元區公布嘅PMI數據，唔會成為升市嘅攔路虎。
炒放水，最直接受惠嘅應該係黃金，眼見金價近日愈升愈有，理論上應該入番隻金礦股傍吓身。截至今年六月底止，紫金（02899）有超過六成收入來自黃金業務，喺金價飛升、直搗每安士1,790美元大關下，紫金嘅黃金資產價值亦應水漲船高。如果純睇技術走勢，紫金衝穿250日線後，阻力已變成支持，加上尋日一支大陽燭突破小旗形後，向上已經進入無阻力區，不妨喺3.15元附近收集，作放紙鳶式持有，支持位放喺3蚊。
紫金礦業（02899）
阻力位：3.6元
支持位：3.0元