魚缸Blogger：敏華挑戰4元關
變種版QE3橫空出世，炒咗幾日，歐美放水餘溫尋日仍然未消退，只要釣魚島附近冇擦槍走火，今個禮拜揸股票點都好過揸cash。
雖然尋日多隻領航嘅地產股繼續破頂，但已經開始有高處不勝寒嘅感覺，而且伯老嘅QE3無非都係想谷起樓市再谷消費，落後股今日可以睇吓以歐美為主要市場嘅梳化股敏華（01999）。
敏華主要產銷「芝華仕」同「愛蒙」等耳熟能詳嘅傢俬牌子，其中美國市場就佔去上一個財年逾五成嘅收入比重，而且喺中國市場方面，醞釀多時嘅家具「以舊換新」又將會喺十月展開，以敏華現時唔夠十倍嘅預測PE，而尋日又啱啱突破平頂三角形走勢嚟睇，應該仲有水位再上，阻力睇4蚊。
敏華控股（01999）
阻力位：4.00元
支持位：3.55元