穿勻薦：國航值得睇高一線

上周五港股收復前四日之失地，之前跌得多之股份亦反彈得最多，以此作準則，航空股可留意，雖然油價上升對板塊不利，但在股價已累跌近兩成之下，屬博反彈之理想對象。

航空股中期業績貨不對辦，並非盈利顯著低於預期，而是盈警時「報細數」，同稱盈利跌幅超過50%，但結果南航（01055）和國航（00753）分別倒退85%及77%，因此股價亦「追跌」。不過，航空股其實上半年與首季盈利跌幅一致，第三季人民幣略為回升對其盈利有幫助，國航的國際航線較多，且覆蓋盈利能力較高的航線，第二季經營溢年下跌24%，已較首季有改善，而且下半年業績應優於上半年，可看高一線。

平保（02318）10連跌，股價十日累跌近一成後，上周五終於隨大市反彈3.5%，雖然是10連跌，但尾四日均收陽燭，反映不少投資者趁低吸納。

平保股價料已見底

平保上半年盈利增長9.4%，優於市場預期，但個險新單保費下跌22%，新業務價值令人失望。不過，A股上周五報復性反彈，對內險股的投資氣氛有幫助，且在保單分紅率吸引力相對上升底下，保費收入可望在下半年改善，而集團產險業務尤其不俗，管理層有信心壽險最快下半年可回升，內涵價值亦有理想增長，相信股價已見底，可續博反彈。