市場徐想：中電信穩陣靠得住
依家揀股，最緊要有穩定收入，橫睇豎睇，電訊公司業務就最穩陣。中國電信（00728），主要為服務區內嘅用戶提供綜合性嘅固定電訊同相關服務，寬頻業務回報還算可以，集團亦會不斷專注於提升項目回報身上，加上短期內中國應該冇監管政策變動，集團應該會有一段時期可以適時擴充，另早前收購CDMA資產，令盈利更上一層樓。
集團扣除移動終端銷售收入後嘅經營收入增長8.1%，最重要係其移動、有線寬頻業務高速成長，為集團整體業務結構提供動力。睇番數據，集團上年度每股盈利增長平穩，達9.8%。市盈率17.89倍，息率1.93厘。繼續追蹤、出發！