同事最近約專欄作家兼人氣blogger市場先生做個採訪午膳，文妮又去「黐餐」。奉行價值投資的市場先生多年來是滙控（00005）粉絲，現時持有約3萬股滙控，佢話滙控之前跌到60蚊邊好抵買，因為息率有近5厘（他一年收滙控股息逾10萬元），股價亦好易反彈10%，好過買內銀。
市場先生鑽研股票多年，尤其專注金融股分析，單是每年收股息都好和味，但他坦言無買樓「失策」，亦因此畀老婆「哦」，他雖然早買咗層樓畀父母，但自己一直租樓住，現時有意套股買樓，但要靜待時機。