市場徐想:深圳國際攻守兼備
成日話港深一家,皆因兩地經濟關係密切,貨櫃車往返頻密,絡繹不絕。深圳國際(00152)做咗物流基建好耐,可以向客戶提供唔同種類嘅物流增值服務,需求都十分殷切。
增持深圳航空股權,呢個動作成功幫公司進一步提升盈利。集團用咗7.89億元人民幣,令持有嘅深圳航空股權由25%增加至49%。喺目前兩地股市冇被搶高嘅情況下進行呢項收購,有充分嘅價位緩衝,相信會好大程度拉高咗深圳國際嘅股東回報!
講咗咁耐,Prof. J少不免睇吓集團嘅業績。一一年度盈利增長36%,市盈率頗低,只有約4.8倍,息率6.3厘,可攻可守。繼續追蹤、出發!