《太陽報》超卓品牌大獎

想表揚心水品牌？太子有好介紹，由東方報業集團（00018）旗下嘅《太陽報》主辦，耀才證券獨家贊助嘅「超卓品牌大獎2012」，已經接受大家網上投票啦。今次投票活動唔單止表揚市場上的超卓品牌，仲可以促進業內良性競爭及持續發展，為大家提供更優質的產品及服務，真係有意義喇。

網上投票尋日已經開始咗，八月十九日（星期日） 晚上十一時五十九分就會截止投票。各大入圍品牌除咗要得到大家神聖的一票，仲要過專業評審團隊嗰關，簡直要「過五關斬六將」先可以獲獎。得獎名單將於九月十二日公布，到時仲會舉行盛大的頒獎典禮。

其實能夠入圍「超卓品牌大獎2012」都已經唔簡單，一定要達到以下準則：有效運用市場策略並凸顯品牌理念；為消費者提供優質服務及產品質素，致力滿足顧客需要；宣傳形式敢於嘗試、突破創新，有效地提高品牌形象。太子真係怕大家投票嘅時候，個個都想投，唔知點揀好。

百元禮券好易到手

唔好話太子唔私人提醒大家，網上投票每日會設有5個投票時段，每時段首兩名投票人士將獲得$100禮券，每日名額只得10個，真係手快有手慢冇！唔好猶豫啦，立即登入on.cc/EliteAwards，投選心目中超卓品牌，以行動支持超卓品牌！