魚缸Blogger：創維數碼彈力強勁
執筆時仲未知有無QE3，之不過歐央行放水嘅呼聲漸高，就算伯老再次令市場失望而回觸發魚缸調整，反而可以視為低吸機會。
尋日多個板塊隨大市反撲，且成交上番五舊，暫且判斷今轉彈升應該唔係虛火，今日就一於望吓彈力強勁嘅創維數碼（00751）。同近排股價低處未算低嘅國美（00493）唔同，創維主要係黑色家電產銷商，行業經營環境較國美理想，除咗同業TCL多媒體（01070）近月兩發盈喜，同創維今年四至六月同六月電視機銷情靚仔外，啱啱開鑼嘅倫敦奧運所帶來嘅換機潮效應亦係其利好因素之一，加上股份近日成功喺雙底支持2.9元附近V形急彈，阻力先睇3.5元。
創維數碼（00751）
阻力位：3.5元
支持位：3.0元