魚缸Blogger:達芙妮上望8.3元
魚缸尋日連續第二日裂口彈升,之不過大笨象(00005)收市後公布嘅業績麻麻,而且恒指牛熊分界線附近阻力唔細,小心結算後淡友隨時發難突襲。
三、四線股近排受盈警潮而變得愁雲慘霧,但最冤枉嘅莫過於達芙妮(00210),因早前批股及同店銷售稍為放緩,令股價喺過去三個月高低位最多累跌逾四成。其實集團今年上半年同店銷售增長有17%,算係交足功課,雖然坊間眾多分析質疑廣告開支龐大,但其一直維持擴充策略,上半年就增加咗366個銷售點,而且下半年內地消費旺季臨近,相信集團好快就能重拾增長動力,今轉反彈阻力不妨先睇8.3元。
達芙妮(00210)
阻力位:8.3元
支持位:7.2元