魚缸Blogger：忠旺跟勢短炒一轉
上周德拉吉疾呼力保歐元，結果環球股市來個鯉魚翻身，至於今個禮拜，伯老又會出來講嘢，但資金炒到咁上下又會唔會趁好消息出貨？不妨拭目以待。
中國忠旺（01333）上周再發盈喜，指中期純利將會大增。睇番公司近期動作，除咗買入兩部由德國入口嘅255MN單動臥式鋁擠壓機外，之後兩年將會豪擲110億人仔發展鋁壓延材同鋁型材產品，以迎接內地「十二五」規劃帶來嘅機遇，加上公司產品適用於鐵路交通、飛機同房屋建築等產品需求旺盛嘅範疇，相信來季盈利動力仍然強勁，配合股價上周五大裂口高開後扭轉短期跌勢，阻力先睇3蚊。
中國忠旺（01333）
阻力位：3.00元
支持位：2.78元