魚缸Blogger：中國糧油候低吸納
上個禮拜超人旗下嘅一門三傑派成績表，表現令人眼前一亮，惜西班牙瀕臨爆煲，上周五港股ADR急插400點，睇嚟今日魚缸又要考驗番萬九點關口支持。
中國糧油（00606）上月底發盈警，原因係國際大豆價格上漲同匯兌收益減少。事實上，近期玉米價格迭創新高，連帶多種食品價格亦抽上，惟內地通脹持續放緩，近日多個花生油品牌已相繼加價，油籽加工佔收入近六成嘅中糧，相信亦有提價空間。此外，中秋傳統食品旺季又就快到，料有助中糧下半年盈利表現。股價上，中糧喺3.8元附近築起初步支持，不妨候低於該水平小注吸納，阻力睇4.2元。
中國糧油（00606）
阻力位：4.2元
支持位：3.7元