Mandy Lieu諗計發達

你認為自己現時財富屬於哪一級？（分五等級：優、良、常、可、劣）

答：常。

你試過最貧窮是何時？當時情況怎樣？

答：剛畢業出來工作時，無零用錢，收入又不多，要慳住使。

你試過最富有是何時？當時情況是怎樣？

答：現在，都已經工作咁多年，有啲積蓄。

每月的收入中，儲蓄、投資及消費分別佔多少？

答：五分之二用來消費、五分之二儲蓄、五分之一投資。

金錢對你的重要程度屬於哪一級？（分五級：極重要、很重要、重要、不重要、絕不重要）

答：重要，但唔會只向錢看。

你每月開支平均大約多少？

答：大約3、4萬蚊，交租花最多錢，買衫通常一季季買。

你現時身上帶有多少現金？

答：500蚊。

你何時開始儲蓄？

答：17歲，一工作便開始儲錢。

你擁有多少個銀行戶口？

答：1個。

你幾多歲賺到首個一百萬？

答：25歲。

你現時有否借貸？（包括信用卡、樓宇按揭及私人貸款）

答：無。

你現時共擁有多少張信用卡？

答：1張。

當中最大的信用限額是多少？

答：5萬蚊。

你現時擁有多少個物業？

答：一個在馬來西亞的物業，是家人留給我的。

第一次買樓時你幾多歲？

答：無買過，等香港樓價低啲先買。

過往你有否投資過物業？結果是怎樣？

答：無投資過。

你有冇投資股票或基金？

答：有，但交晒畀銀行經理處理，我都唔了解市況。

試舉出三間本港藍籌公司的名稱？

答：滙控、長實、渣打。（編：渣打不是恒指成分股。）

現時最看好哪一個國家的貨幣？

答：人民幣。

你有否購買保險？若有，共擁有多少份保險？

答：1份，人壽加醫療保險。

你打算何時退休？

答：無諗過退休，我好鍾意工作。

你認為至少要擁有多少儲蓄才可安心退休？

答：唔知，我估幾千萬元可以足夠舒適過下半生！

你認為自己有沒有商業頭腦？

答：無，我啱啱創業，製作旅遊特輯，但都是為興趣而做，多過商業決定。

可以分享一條絕世發達的妙計嗎？

答：我都想知！有無人話畀我知？

個人資料

名稱：Mandy Lieu

年齡：27歲

職業：模特兒