如果發一大筆橫財,相信不少人即刻「一炮過」買樓,呢個係上唔到車或者一般房奴嘅心態。Facebook(fb)創辦人朱克伯格最近為其加州大宅按揭做再融資,無錯,連教主都做按揭!仲要只係借595萬美元,相對其身家,簡直是九牛一毛。
有人分析過教主做按揭的原因,主要由於其按揭利率僅1.05%,一般美國人要2.7%,能近乎零息借錢,又可分期還,真係有jet so唔好嘥!有錢人可借平錢,無錢人就連錢都借唔到。fb本周四公布業績,希望有好消息刺激吓低殘的股價。