魚缸Blogger：太保最壞時刻已過
內地上季經濟增長有7.6%，總算有驚無險；至於花旗國，伯老聽日又會喺國會講野，陰謀論睇，如果阿爺等埋美國先宣布進一步放水嘅話，「G2」合作嘅威力值得期待。
盈警大軍繼續壓境，連太保（02601）都指中期純利將按年減少55%。不過，若用舊年上半年賺58.16億元（人仔．下同）去計，今年上半年純利即約有26.17億元，再減去首季6.52億元嘅話，第二季純利有19.65億元，按季急彈逾兩倍，加上內地險企上月嘅投資基金佔比大升，配合憧憬人行短期內或減三條R，似乎內險股最壞時刻已過，而太保上周五股價出現破腳穿頭利好訊號後，走勢轉強，阻力先睇28港元。
中國太保（02601）
阻力位：28元
支持位：24元