牛熊對壘:港交所跌唔落買18478

上周內地公布一系列數據,最惹人關注的是第二季經濟增長,只有7.6%,市場續為下調存款準備金率作倒數,恒指輕微高開後,窄幅牛皮,埋單升67點,周末前升市,主板成交縮到380億元,全周恒指累跌708點,國指就挫443點。

新地(00016)風暴又揭幕,頓成上周五最熱話題。新地在早上九時四十七分停牌,預計今日復牌,波動難免。上周新地成功取得前北角邨地皮後,股價有表現,相關窩輪成交大增,街貨量企於超過6億份高位,持貨者好趁本周復牌,睇定嚟做。

即市波幅只有百幾點,牛熊上周五成交降8.3%至65.24億元,窩輪成交縮至41.96億元,按日再跌7.7%,扣除恒指輪的14.45億元成交額,個股輪只有二十幾億元,咁多隻股份齊齊分,有幾靜可想而知。

大市低迷,股民無心戀戰,離場觀望有之,大減注碼的有之,個別股份成交無多,個股輪當然跟隨而成交大縮,就算引伸波幅縮到好似好便宜,輪價望落唔貴,但氣氛使然,後市睇唔通,成交跌是理所當然。

博牛證要識落車

市場炒放水,歐美股市周末前做好,道指勁升超過二百點,上周五個交易日恒指牛證及Call輪好倉持續流入資金,達1.7億元,牛證街貨較熊證街貨多近10億份,數量之多反映投資者傾向睇好短線再彈,博牛證者記得睇位套現。今年以來任何放水舉動,都只帶來短暫的亢奮,皆因經濟實質未脫離衰退的陰霾。

港交所(00388)上周勢弱難撐,再試全年低位,有人認為百元關未必守得住,收購LME引來市場諸多評論,不過亦有指收購價佔其市值有限,又有中央支持,再睇淡的水位唔多。

筆者認同此觀點,港交所100元關應有力一守,可考慮港交瑞信購(18478),今年九月二十八日到期,行使價110元,引伸波幅30%,實際槓桿十五倍。不過,大市成交額低迷,新股數目銳減,都影響港交所中線收入,短線做Call後,再考慮中線反手轉Put。

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

藺俠