魚缸Blogger：金界控股小試牛刀
今朝十點，阿爺公布嘅次季GDP破八應該無懸念，但如果驚見六字嘅話，唔排除有資金掉轉頭炒內地加大力度放水，若魚缸下試18,800點，反而會係低吸機會。
面對內地經濟增長放緩，同馬祖開賭兩面夾擊下，濠賭股近月嘅聲勢略為收斂，但喺柬埔寨做獨市生意嘅金界控股（03918），尋日股價卻逆市抽升2.6%，短線若能企穩4蚊樓上，錢途應該無可限量。金界客戶主要來自東南亞，內地客只佔小部分，加上積極擴展業務，除咗搞超豪巴士接載旅客外，金界娛樂城第二期將會喺一五年開幕，與其仲追逐勢弱嘅濠賭股，倒不如小試牛刀冷敲金界，阻力先睇4.5元。
金界控股（03918）
阻力位：4.5元
支持位：3.8元