市場徐想:好孩子對沖變投機
資金緊,企業要喺寒冬中穩守,真係絕不容易,成本對沖自然係不容有失。但對沖不當,引發投機性行動,咁樣無疑係「放火燒死自己」,認真大鑊。要講嘅主角,梗係對賭鑄成大錯的好孩子(01086)。
媒體講好孩子對賭,對事實了解唔透徹,Prof. J教大家,對沖成本一般來講係企業風險管理做法,但往往好多時候企業主管會將對沖同投機混為一談。大家都知好孩子七成以美金結算,做對沖係啱,但大家唔好忘記上年美國伯仔OT一出,將人仔嘅神話美夢打碎咗,通常管理層對沖,確係有自己「執迷不悟」嘅立場,最終咪搞到自己一身蟻囉。
今時今日,好孩子無主動同媒體解釋事件,條款係點唔知。睇基本因素,零售股地雷─現金流「窄窄哋」,存貨、應收帳全部中晒。龍B股無疑可玩一年,不過都係十二年一潤。回歸基本,睇吓好孩子會唔會乖乖哋為股東朋友做個好孩子啦!