魚缸Blogger：中海宏洋上望8元關
阿爺減息，但市場卻解讀為本周五公布嘅次季GDP將會破八，而美國上月就業市道又繼續黯淡，今朝魚缸隨時要追跌番幾舊，所以早市都係宜守不宜攻。
雖然溫爺爺表示要毫不動搖繼續調控，但房地產同周邊產業佔GDP有相當比重，加上水泥、濠賭股等板塊轉弱，直接受惠減息嘅內房股仍然係值博對象。專攻內地三、四線城市嘅中海宏洋（00081），喺背靠母公司中國海外（00688）嘅品牌優勢下，今年頭五個月銷售已完成全年目標逾六成，加上截至舊年底嘅負債比率僅處22.9%，市盈率又十倍唔夠，難怪上周五隨中國海外同創五十二周高，阻力先睇8蚊。
中海宏洋（00081）
阻力位：8.0元
支持位：7.2元