魚缸Blogger：太平洋航運小注怡情
上周五魚缸喺歐盟拍板成立單一銀行監管機構下，反彈416點，而秋官套《心戰》亦告落幕，睇嚟七月港股應該有個好開始。
太平洋航運（02343）上月中發盈警，料中期業績將會盈轉虧，原因係鑑於歐債危機未穩，集團已將開發新滾裝貨船航線同需求復甦嘅前景預測推遲。經評估滾裝貨船市場後，集團將於中報中作出一次1.9億美元嘅非現金減值支出。雖然上周股價下試3元邊承接，某程度已反映負面消息，而上周五喺歐盟峰會取得初步成果下，其股價以大成交重返10日線樓上，只係近排炒歐債利好消息往往得三幾日貨仔，所以博反彈亦不宜大貪，首站阻力在3.6元。
太平洋航運（02343）
阻力位：3.6元
支持位：3.1元