市場徐想:耀才證券人縮我谷
耀才證券(01428)純利升近五成,營業額創新高,誰不知一招「供股回馬槍」,股民又點會合皮?不過如果大家睇真少少,佢其實透過今次供股同包銷,交銀嘅股權有可能最高增加至15%,疑似國企行色彩更加強烈。
交銀會唔會食咗耀才,大家真係諗得好遠,不過肯定今次嘅股改,令公眾持股量有機會減到一成四,根據Prof J股權分析,股份高度集中,大股東會活化耀才將自身價值提高,搞唔好耀才機會就較微。
再睇落去,供股嘅錢,主要用來提升孖展融資額度,呢個真係不難理解,耀才嘅策略主要針對即日鮮同頻頻交易嘅股友,加上放數賺息,呢班哥仔梗係希望以低成本,高回報喺股市上血戰,耀才孖展唔夠強點玩落去呀?
市好嘅時候間間行都衝衝衝,市差,大家都縮縮縮,耀才就用「人縮我谷」嘅策略,資產負債同流動負債都急升。