魚缸Blogger：統一不乏炒上誘因
尋日期指結算，阿爺送禮概念炒到差唔多散水，加上德國對歐盟峰會大潑冷水，歐股早段散晒，今日都係穩打穩紮較上算。
祖國經濟會否硬着陸，相信下月中就會有答案，至於關係民生嘅六月份通脹數據，坊間調查睇到最牛嘅預期回落至2.3%，今日就不妨做定功課，望吓隻統一企業（00220）。統一除咗喺內地奶茶市場稱王外，最近推出嘅「老壇酸菜牛肉麵」亦大受好評，市佔率增長速度更力逼方便麵龍頭康師傅（00322），加上即將踏入食品飲料旺季，食品股不乏炒上誘因，市值相對細嘅統一更係值博之選，不過假期前後市況波動，都係等股價回落至6.8元水平先再諗。
統一企業（00220）
阻力位：7.4元
支持位：6.5元