魚缸Blogger:融創醞釀突破旗形
尋日魚缸回彈近200點收市,但執筆時傳來意粉國第三大銀行求援,骨牌效應下,睇嚟好快又多個歐豬國要歐盟打救。
內地放寬樓控嘅風聲此起彼落,加上人行逆回購令利率下降,資金流動性稍為改善,搞到內房股尋日又再禾雀亂飛。融創中國(01918)最近以33.7億人仔接收綠城中國(03900)九個房地產項目,雖然坊間有指呢單deal因為兩方主席分屬老友,覺得融創出手實為打友情牌,但睇番細節,今次交易有助融創進軍上海市場,而集團今年頭五個月賣樓成績超晒標,現金流方面應該綽綽有餘,技術上又醞釀突破旗形,阻力位先睇保力加通道頂部3.4元。
融創中國(01918)
阻力位:3.4元
支持位:2.8元