魚缸Blogger：中生製藥試叩3元關
臨近期指結算，就算隔晚歐美股市急瀉、再有大行調低阿爺經濟增長預測，但喺大戶轉倉活動帶動下，魚缸尋日倒升收市，加上滬綜指喺2,200點水平暫時喘定，相信有助港股回穩。
異動股可以留意隻中國生物製藥（01177），尋日大成交下升逾3%收市。同多隻藥業股一樣，中生製藥兼具業務重組概念，繼早前收購湖南省嘅邵陽正骨醫院後，旗下嘅北京泰德亦計劃喺深圳創業板上市，加上集團屬少數盈利能力強勁嘅藥企之一，今年首季純利就按年爆升近一倍至2.04億元，而佔收入約六成嘅肝病同心腦血管藥，毛利率又高達八成，配合股價將現中期黃金交叉，稍作整固後應該有勢再試叩3蚊。
中生製藥（01177）
阻力位：3.0元
支持位：2.5元