魚缸Blogger：華寶國際逆市呈強
歐盟峰會禮拜四先舉行，但市場已經打定輸數，預期峰會難以令默克爾頑石點頭支持歐元債，加上內地經濟硬着陸風險升溫，睇嚟放回歸假前仲有排捱。
基金愛股華寶國際（00336）尋日又再發揮逆市呈強嘅本色，收市升逾7%，並初步形成「早晨之星」嘅利好訊號。自被「匿名分析」狙擊後，華寶股價曾低見2.82元，惟去年業績符合大行預期，加上大股東宣布將豪擲5億銀回購後，股價稍有起色。而事實上，華寶主營嘅香煙、香料產品受經濟周期起伏嘅影響較細，加上尋日股價重返50日線水平，係近三個半月首次，現價跟進應有一定值博率，首站阻力先睇4蚊。
華寶國際（00336）
阻力位：4.00元
支持位：3.45元