魚缸Blogger：中國電力具炒上空間
歐盟對希臘呢個壞孩子繼續一再忍讓，尋日外電就話無論後日選舉結果係點，歐盟都會考慮放寬對佢嘅緊縮財政要求，而且G20峰會下周舉行，如果從相反理論去睇，今日小注建倉坐貨度周末，博歐美救市應該有得諗。
內地煤價尋日實現六連跌，加埋早前內地嘅減息因素，股價稍作整固嘅電力股又再撻着，中國電力（02380）更升近6%。其實中國電力近年已致力減低成本，早前就收購河南中平煤電五成股權，以推進煤電聯營嘅策略，而且憧憬阿爺下半年再減息，size較細嘅中國電力應該仲有炒上空間，加上10日線又啱啱升穿250日線，後市有望上試2.2元。
中國電力（02380）
阻力位：2.2元
支持位：1.9元