魚缸Blogger：正通汽車愈戰愈勇
憧憬環球央行聯手救市，加上市傳阿爺會喺下個月頭親臨香江為特區打氣，就算西班牙債息創新高，尋日魚缸依然能夠衝穿萬九點關口，睇嚟六月下旬大市有機會做番好一啲。
資金繼續追落後，尋日就輪到汽車代理股，炒上原因係油價回落，同預期喺內地振基建、加大放水所產生嘅財富效應下，汽車需求將會上升，今日就不妨睇吓預測PE七倍唔夠嘅正通汽車（01728）。雖然正通早前發債失敗，但近日成功喺光大銀行攞到28億人仔授信額度，相信可紓緩集團資金壓力，加上今年首四個月銷售持續強勁，近月又獲基金增持股份，尋日衝破20日線後股價愈戰愈勇，阻力大位可先睇5.5元。
正通汽車（01728）
阻力位：5.5元
支持位：5.0元